لا أخ ولا خال ولا عم ولا دم

من طرف اسلام عبد السلام 14/4/2008, 5:46 pm

هؤلاء البنات اللائي يظهرن في الفيديو كليب أليس لهنّ أهل ؟!

يتمايلن في جرأة وخلاعة .. عاريات البطون والظهور والسيقان
.. بلا دور ولا هدف .. وكميّة اللحم المعروض تكفي وتفيض لقبيلة
من آكلي لحوم البشر لعدّة أعوام .. أتأملّ الأغنية مندهشاً .. قليل من
الغناء وكثير من اللحم !! تقتحمني ( الموديل ) بنظرة جريئة ولوية
بق .. وتنهال علينا بأسلحة الدمار الشامل إلى أن تنزل بالكبيرة .. أم
القنابل .. ما هذا .. تلك الفتاة ألا تجد أحداً يشكمها ؟ أليس لها إخوة
صبيان .. طيب وأبوها راح فين ؟ .. أتأملّ الوجه وتنطق الملامح
.. أبوها مسافر البحرين وبيجي إجازات .. طيب مالهاش خال ؟!
مالهاش عمّ ؟! أتأملّ الوجه .. لا يوجد أثر لرجل على ملامح وجهها
برغم أنّ أثرها يبدو على رجال كثيرين ..
قال لي أحدهم وهو يعمل في مجال الفيديو كليب حينما سمعني أقول
هذا الكلام الفارغ .. انت عبيط يا بني أهاليهم موجودين وموافقين
وبيتباهوا بيهم كمان .. أهو اللي جاي ده شغّال هو وأخواته البنات معانا ..
ح اسمعك بودانك .. جلس الشاب بيننا وهو ينظر في ساعته .. فسأله
صاحبنا أمّال فين رشا وسلمى .. قال الأخ بيصوّروا أغنية وجايين ..
وبدأ أخو البنات يذكرني برشا وسلمى .. واصفاً إيّاهما بـ ( سوبر موديل )
عارف حضرتك أغنية .. ح تلاقيهن طالعين فيها .. رشا اللي لابسه
شورت أحمر على بودي أصفر .. وسلمى اللي لابسه فستان بحمّالات .. ثمّ
أخرج لي ـ والعياذ بالله ـ صورة لكلّ منهما قدّهمهما لي بكلّ فخر.. أدي رشا ..
ودي سلمى .. كانت رشا في الصورة ـ تنظر نحوي تلك النظرة التي تدقّ
في المفاصل علطول.. أمّا سلمى فكانت ـ في الصورة ـ تضحك ضحكة مثيرة ـ
ربّما على ما أصابني من نظرة رشا .. .وقال الأخ .. وعلى إيه الصور .. دلوقتي
تشوفهم بشحمهم ولحمهم .. ما همّا جايين .. هنا أخذت ذيلي في أسناني ويا فكيك ..
ووجدتني أسأل نفسي لماذا قتل متولّي شفيقة أخته ؟! وهل إذا تكرّرت القصّة
الشعبيّة هل سيقتل متولّي شفيقة أم سيشتغل مديراً لأعمالها ؟! وهل كان متولّي
سيتباهى بشفيقة كما فعل الأخ .. ويقول لأصدقائه ـ شفيقة عاملة نمرة كده .. علشان
بصراحة بتصرف على شغلها .. دي باعتة جايبة طقم مايوهات من برّه حكاية ..

وعدت لأسأل صديقي وهو من ذوي الكليبّات .. كم تتقاضى الفتاة من أجر في الكليب
قال بلهجة الخبير .. مش كلّه .. فيه اللي بتاخد مية جنيه في اليوم .. وفيه اللي بتاخد
مية وخمسين .. وفيه بنات بتعدّي الخمسميّة .. وحينما سالته على أيّ أساس يتمّ اختيار الفتيات ؟!
ابتسم وقال لي . هو مش أساس واحد .. احنا عندنا أكثر من أساس .. المهم إنّ احنا
ما عندناش وسايط .. البنت هي واسطة نفسها وبنعملّهم اختبار شفوي .. لمعرفة قدرة البنت
علىتحريك شفتيها بأكثر من طريقة موحية وامتحان تحريري لمعرفة قدرتها على التحرّر
من ملابسها .. ومن حقّ البنت في الاختبار أن تستعين بصديق طبعاً ..<:

من طرف mo7amed 14/4/2008, 6:00 pm

موضوع ممتاز يا اسلام بارك الله فيك
يارب تقبل توبتهم
يا نفس توبي فإن الموت قد حانا
وأعصي الهوى فالهوى ما زال فتانا
أما ترين المنايا كيف تلقطنا
لقطاً وتلحق أخرانا بأولانا
في كل يوم لنا ميت نشيعه
نرى بمصرعه آثار موتانا

من طرف EBEED 17/4/2008, 4:35 pm

موضوع مهم جدا
انا مش متصور اذاى البنت تطلع من البيت على مرئىمن ابيها وامها واخواتها الزكور
وهى شبه عاريه
حسبى الله ونعم الوكيل G:

من طرف **كنوز** 19/4/2008, 3:30 pm

الخطأ مش على البنت فقط التى تستخف بشرفها وعفتها ودينها للاسف L:

الخطأ الاكبر على الرجل الذى يوجد بالبيت سواء اب او اخ او عم او خال او ام توجه من الصغر الحلال والحرام فين

للاسف تعاليم الدين والحلال والحرام باقوا قله فى البيوت

أين نخوة الرجال وغيرتهم على نسائهم ولحمهم ؟؟؟؟؟؟؟؟؟؟؟

أين احساس المرأءه بعفتها وشرفها وغيرتها على نفسها؟؟؟؟؟؟؟؟؟؟؟؟؟؟

أين وأين واين خفهم من الله الذى لا الله غيره ؟؟؟؟؟؟؟؟؟؟؟

وللاسف اشكالهم ومناظرهم شئ مقزز ومقرف يجعل الواحد يتقيئ من هذا العرى والمستفز

كيف سيقفون امامه يوم لا احد ينفع فيه غير العمل الصالح

ربنا هو الهادى فى

من طرف **مامانور** 19/4/2008, 4:32 pm

اسلام عبد السلام كتب:

.. وحينما سالته على أيّ أساس يتمّ اختيار الفتيات ؟!
ابتسم وقال لي . هو مش أساس واحد .. احنا عندنا أكثر من أساس .. المهم إنّ احنا
ما عندناش وسايط .. البنت هي واسطة نفسها وبنعملّهم اختبار شفوي .. لمعرفة قدرة البنت
علىتحريك شفتيها بأكثر من طريقة موحية وامتحان تحريري لمعرفة قدرتها على التحرّر
من ملابسها .. ومن حقّ البنت في الاختبار أن تستعين بصديق طبعاً ..<:

I:

صراحة حاجة تكسف ومعندهمش واسطة
وبيعمدوا على نفسهم ....حاجة كويسة خالص

من طرف **السفير** 25/4/2008, 5:40 pm

بمناسبة موضوعك يا اسلام وهو طبعا موضوع هايل وطرح لفكرة مهمة لية بنحب طريق الغلط .. ولية .. لية مبقاش فية خوف من الحرام وسعى الى الحلال لية مافيش نخوة عند بعض الرجال ولية البنت استهانت بنفسها وعرضتها كسلعة

المشكلة مش فى النماذج المقرفة دى لانها طبيعة بشرية استدعى فيها قول الحق سبحانة (( ونفس وما سواها فألهمها فجورها وتقواها )) اذا كل نفس لديها الخير والشر وعليها الاختيار اما هذا واما ذاك المشكلة ان النمازج دى اصبحت مقياس للتحضر ومن مين من اولى الامر
كمان... على مستولى الشخص نفسة ودى مسألة سيكولوجية يعنى هو بيفكر ازاى والمناخ البيئى اية والموروث الثقافى اية
وعلية يتم منطقة هذة الامور بما يخدم هواة
يعنى كتير من البنات النهاردة لما تحب تسألهم تحبى تكونى اية لما تكبرى تقولك رقاصة زى فىفى عبدة او ممثلة زى كتير من الفنانات مثلا او حتى ولد يقولك نجم سينمائى او لاعب كرة يانهار مالوش لون طبعا لان الاتجاة العام والمناخ البيئى بيحض على هذا ويشجع دة ويقولوا عليهم نجوم مش كدة الامور معكوسة يا سادة لان المناخ البيئى والموروث الثقافى شيء مهم فى تكوين الفرد

لا أخ ولا خال ولا عم ولا دم

لا أخ ولا خال ولا عم ولا دم

رد: لا أخ ولا خال ولا عم ولا دم

رد: لا أخ ولا خال ولا عم ولا دم

رد: لا أخ ولا خال ولا عم ولا دم

رد: لا أخ ولا خال ولا عم ولا دم

رد: لا أخ ولا خال ولا عم ولا دم