... كفايه كده ...

من طرف اسلام عبد السلام 20/3/2008, 12:26 am

صرخ فجأه بين الناس يستغيث بمن حوله رجالا وشبابا ونساءا وشيوخا

المنسى ... جاااااااااااااااااااااااااااااى

الشيخ ... مالك يا ابنى فيه ايه

المرأه ... باين عليهم سرقوه

الشاب ... هما مين دول اللى سرقوه

الشيخ ... ما تتكلم يا ابنى فيه ايه

المنسى ... فيه انى خلاص ضعت ومش حاسس برجولتى

المرأه ... يالهوى دول بايين عملو فيه حاجه مش كويسه يا عين امه

الشاب ... ما تتكلم ياعم وتقول فيه ايه " عايز فلوس تروح

الشيخ ... لا ياجماعه الحكايه غير كده خالص

المنسى ... فيه ان ضهرى خلاص مش قادر افرده

الشاب ... ودا من ايه

المنسى ... من كرامتى اللى راحت وانسانيتى اللى اتهانت

المرأه ... انسانيته : دا طلع مجنون

المنسى ... مجنون علشان عايز اكون انسان

الشاب ... ما هو انت انسان ياعم هو حد قالك انك حمار

المنسى ... يا ريت اكون حمار

الشيخ ... وحد الله يا ابنى واهدا مش كده

المنسى ... اهدى ايه بس واحنا بقينا بفلوسنا وفى ارضنا بنشتغل عند المستثمر الاجنبى

الشيخ ... ااااااااه فين ايام زمان

المنسى ... زمان : زمان ايه ياحاج زمان دا جبلنا 67 خيبه مره واحده

المرأه ... هو بيقول ايه ده

الشاب ... بيقول كفايه بقى

المرأه ... كفايه ايه

المنسى ... كفايه ذل فى طابور العيش كفايه اهانه فى المواصلات

الشيخ ... بلاش كلمه كفايه دى دلوقتى

:afro:صح كفايه كده

من طرف heba 20/3/2008, 11:53 am

الله ينور عليك
صح كفاية كده

من طرف شمس الحياة 22/3/2008, 2:20 am

كفايه كده كفايه كده فعلا لازم نقف وقفه جريئه ونقولها باعلى صوت كفايه كده حراااااااااااااااااااااام

من طرف **مامانور** 24/3/2008, 5:54 pm

كفاية لكل حاجة
مش بس في مصر الشعب العربي كله ساكت ومش بيتكلم ومش بيثور لو في حد يتكلم ويقول بجد كفاية حجات كتيرة تتغير
والعيب من مين العيب علينا احنا لاننا نقدر نعمل كتير
شكرا جزيلا

من طرف **كنوز** 24/3/2008, 6:26 pm

فعلا لو كل واحد مننا يصرخ باعلى صوت ويقول كفايه كده

كفايه للاحتلال المحلى والدولى والعالمى
كفايه للاهانه والظلم والاحتلال النفسى
كفايه للطمع والجشع والجوع
كفايه للغلا والحرب على لوقمة العيش
كفااااااااااااااااااااااااااااايه كده

من طرف اسلام عبد السلام 25/3/2008, 12:18 am

بعد قضاء فريضه العشاء جلس الانسان يدعو الله والشيخ بجواره على مسمع.

الانسان / اللهم أعنا على سبعه .

. اللهم اكفنا شر سبعه .

. اللهم انا نعوذ بك من سبعه .

. اللهم اجعل سبعه لنا لا علينا .

. اللهم اجعل سبعه بردا وسلاما علينا .

. اللهم فوضنا امرنا لك يا كريم .

. اللهم انا لا نسألك رض القضاء ولكنا نسألك اللطف فيه

. اللهم امين يا رب العالمين.

الشيخ / لو سمحت ممكن سؤال , انا أسف بس صوتك كان

. عالى وسمعتك من غير ما أقصد

الانسان / اتفضل سؤال ايه

الشيخ / هوّ مين سبعه ده

الانسان / ( متعجبا ) هوّ حضرتك ما تعرفش سبعه

الشيخ / ؟؟؟؟؟

الانسان / بتاع زياده المرتبات 10% والاسعار 40%

الشيخ / ااااه يوليه حضرتك تقصد يوليه اللهم أعنا

. على يوليه

الانسان / آمين

الشيخ / يذهب لمكبر الصوت ويدعو .

. اللهم لا تجعل يوليه اكبر همنا

الجميع / آآآآميييين

الشيخ / اللهم بارك لنا فى زياده يوليه.

وبعد ان انتهى الشيخ من الدعاء قال احد المؤمّنين انتو بتدعو ربنا بعد ايه دا المكرونه غلييت الصبح

الشيخ / اللهم نجى السكر من الزياده

الجميع / آآآمين

الشيخ / اللهم نجى الارز من الزياده

الجميع / آآآمين

الشيخ / اللهم نجى الزياده من الهلااااك

الجميع / آآآآآمييييييين afro

من طرف اسلام عبد السلام 25/3/2008, 12:29 am

ماما نور بتقول كفايه
فى العراق غزو عسكرى وهى قلب الامه ومصر غزو فكرى وهى الدوله المحوريه فى المنطقه اما سوريا ولبنان فتنه وايران سياسه الاستفزاز وجس النبض اما السعوديه مالهاش دعوه بحاجه خالص وليبيا القذافى راح يجيب مكرونه وما رجعش والخيبه الكبيره فى قطر والكويت خيبه القواعد .. وبلاش نتكلم عن فلسطين نسيبها فى حالها يبقى مين هيقول كفايه فى دول :

من طرف **مامانور** 25/3/2008, 9:24 am

ما نتكلمش عن فلسطين ليه
انا اقولكم احنا اول ناس قولنا لا وكفاية وانتو فاكرين اللي حصل في غزة ايه
انقلاب عالسرقة والحرمية والفساد
بسسسسسسسسس للاسف لازم كان ناخد موافقة امريكا واسرائيل الاول علشان ما ناكلش على دماغنا ويتقلب الوضع علينا

من طرف mo7amed 24/4/2008, 3:01 pm

برافو عليك يا أسلام
لك منى كل تقدير

... كفايه كده ...

... كفايه كده ...

رد: ... كفايه كده ...

رد: ... كفايه كده ...

رد: ... كفايه كده ...

رد: ... كفايه كده ...

... كفايه كده ...

رد: ... كفايه كده ...

رد: ... كفايه كده ...

رد: ... كفايه كده ...